P. c. Paulini v. c. sub die kal. Martiarum in basilica beati Petri apostoli residente viro venerabili papa Symmacho una cum
- Fulgentius archidiaconus dixit. Beatitudo vestra directis antehae per provincias auctoritatibus frequentem Italiae sacerdotum synhodum convocavit, quorum praesentia in vestris videtur oculis constituta. nunc beatitudo vestra quae ad ecclesiasticas indemnitates vel ad pacem totius ecclesiae pertinent sive concordiam, dignetur tractabiliter ordinare. Acclamatum ab omnibus episcopis et presbyteris: Exaudi, Christe! Symmacho vita! Dictum decies Cuius sedem et annos, Dictum octies Ut facias rogamus. Dictum decies.
- Symmachus episcopus ecclesiae catholicae urbis Romae dixit. Concilium dilectionis vestrae neglecta hiemis asperitate sollicitudo nostra pro ecclesiastica indemnitate specialiter congregavit, ut episcopalem ambitum et confusionis incertum vel popularem tumultum, quem subreptione diaboli usurpatione aliquorum tempore ordinationis meae constat exortum, communicato pariter tractatu in futurum possimus robuste ac vivaciter amputare atque ideo caveamus, ne in posterum subversio disciplinae aut audacia praesumentium gestiat temptare similia, et pari adunatione tractemus, expressis scilicet sententiis sancientes, quid circa Romani episcopi ordinationem debeat custodiri. Universi episcopi vel presbyteri dixerunt: Ut fiat rogamus, Dictum decies Ut scandala amputentur, rogamus, Dictum novies Ut ambitus extinguatur, rogamus, Dictum duodecies Exaudi, Christe! Symmacho vita! Dictum sexies Cuius sedem et annos. Dictum quinquies Ut de praesenti fiat. Dictum decies. Symmachus episcopus dixit. Quoniam fraternitas vetra curam provisionis nostrae suis exhortationibus incitavit et parilem circa ecclesiae tranquillitatem dei nostri contemplatione animum praestat, sicut praefati sumus, deliberatione in praesenti habita quid placeat, ex omnibus vestris informate sententiis, quae in hoc venerabili concilio per ecclesiastica recitentur officia. Cumque surrexissent et paulo post iterum consedissent, Aemilianus notarius synhodi decreta vulgavit.
- Propter frequentes ambitus, quorum ecclesiae nuditatem vel populi ==(meint hier Laien)== conlisionemque molesta inconpetenter episcopatum desiderantium generavit aviditas, ut extinguatur futuris praesumptio tam perniciosa temporibus, constituit sancta synhodus, ut, si quis presbyter aut diaconus aut clericus papa incolume et eo inconsulto aut subscriptionem pro Romano pontificatu commodare aut pittacio promittere aut sacramentum praebere temptaverit aut aliquod certe suffragium polliceri vel de hac causa privatis conventiculis factis deliberare atque decernere, loci sui dignitate vel communione privetur. Universa synhodus surgens adclamavit: Exaudi, Christe! Symmacho vita! Dictum decies Hic pax cum Symmacho. Dictum quindecies Cuius sedem et annos. Dictum octies Pari severitate feriendo eo, qui hoc vivo, sicuti dictum est, pontifice quolibet modo fuerit ambisse convictus aut certe temptasse, omnibus pariter huius culpae reis anathematis poena plectendis. Symmachus episcopus dixit: Ergo universitati placet et ab omnibus recognoscitur vel probatur ista sententia? Universa syhodus dixit: Placet, et quod onmibus placet fiat.
- Si, quod absit, transitus papae inopinatus evenerit, ut de sui electione successoris, ut supra placuit, non possit ante decernere, siquidem in unum totius inclinaverit ecclesiastici ordinis electio, consecretur electus episcopus: si enim, ut fieri solet, studia coeperint esse diversa eorum, de quibus certamen emerserit, vincat sententia plurimorum, sic tamen, ut sacerdotio careat, qui captus promissione non recto iudicio de electione decreverit. Synhodus dixit: Placet. Dictum decies
- Propter occultas autem fraudes et coniurationum secretas insidias, quas huius sententia districtionis consequitur, si quis ad ecclesiasticam pertulerit notitiam consilia eorum, qui contra hanc synhodum de pontificali egerint ambitu et rationabili probatione convicerit participes actionis huiusmodi, non solum purgatus ab omni culpa sit, sed etiam remuneratione quae non indigna sit sublevetur. Universa synhodus surgens adclamavit. Placent onmia et adiecit: Exaudi, Christe! Theoderico vitam! Dictum 30 Ut ita servetur, rogamus. Dictum 20 Exaudi, Christe! Symmacho vitam! Dictum 10 Ut circa Romanum pontificem semper haec ordinatio servetur, rogamus. Dictum 10 Ut nullus aliter ad episcopatum Romanum deinceps veniat, precamur. Dictum 10 Ut decreta nostra confirmes, rogamus. Dictum 10
- Symmachus episcopus ecclesiae catholicae urbis Romae dixit: Adclamationes vestras syhodique iudicium praesentia gesta suscipient. et adiecit: ==zu den Akklamationen gibt es zwei Aufsätze von Wiemer, von denen einer in obsidian eingestellt ist. aus: Wiemer, Akklamationen, bei Akklamationen in Konstantinopel für Kaiser (ετη πολλά)== Ea quae ad sopiendos veternosae praesumptionis errores vel infensae rebus ecclesiasticis aegritudinis morbos, quibus universalis afficiebatur ecclesia, deliberatio religioni congrua pacique constituit, firmitatem perpetem sortientur, ut praestante deo, quem custodem rerum omnium constat bonorum, synhodalis ordinatio vigeat atque omnes sine personae alicuius distinctione constringat. contra quam si quis sub qualibet occasione venire praesumpserit, indicta superius districtione plectetur. 1_Caelius Symmachus episcopus sanctae ecclesiae catholicae urbis Romae his constitutis synhodalibus a me probatis atque firmatis consentiens subscripsi
Es folgen die Unterschriften
